(بسم الله الرحمن الرحيم)
*لعيون أحلى اعضاء*
هذي قصة واقعية تدور أحداثهافي المنطقةالشرقية
وابطالها (ياسمين) الي عمرها:26سنه خريجة ثانوي ماسمحت لها الظروف بإكمال دراستها, بنت لطيفه,حساسه,هادئة,متزنه ,نعومه,متواضعه, من هواياتها:الرسم
(فواز) الي عمره:30سنه وسيم,مغرور وشايف حاله خريج معهد الإداره بجده,متزوج من خمس سنوات ,ومن هواياته:أهو بصراحه ماعنده هوايات غير أنه مغازلجكي مليون بالميه***
(ياسمين) عندها اختين الكبيره(نيرمين)اكبرمنهابعشر سنوات يعني عمرها37سنة (خريجة لجامعة الملك سعود بالرياض )متزوجه وعندها ثلاث بنات
والصغيره (سميرة)تصغرها بسنتين ,وأهي بعد خريجة ثانوي وماتحب الدراسه, حبوبه بس لسانها طويل شوي
الساعه: 9صباح يوم الجمعه يرن جوال (ياسمين)
موسيقى (تايتنك)....مرررررررررره رايقه
تصحى(سميرة) حرام عليش طفي هالجوال أني مانمت الا الصبح
(ياسمين)جالسه على السرير ... زين خيتو ألحين ابطفيه بس لا تصارخي
بخطوات متثاقله تنزل من السرير طبعآ (ياسمين) بطبيعتها بنت تحب الترتيب والتنظيم في كل شي , رتبت سريرها
وراحت تغسل ,بتنزل للمطبخ وكالعاده شافت الكتكوته الصغيره اللي كل يوم تجلس تنتظرها على الدرج,هذي بنت اخوها الكبير (نوره)عمرها سنتين ونصف تحب ياسمين موووووووت حتى كان اسم ياسمين اول اسم نطقته بعد ماما وبابا
(ياسمين)ها حبوبتي ليش جالسه هني
(نوره)من زمان وآني استناش "يعني انتظرك"
(ياسمين) تعالي ياعمري , حملتها مثل ماتحمل الأم طفلها
نزلت معاها وهم يفطرون بالمطبخ رن جوال (ياسمين):هلا خيتو
كان المتصل (نيرمين):أهلين,كيفك؟
(ياسمين):الحمدلله منيحة ,وانتي كيفك ؟وكيف الصغار؟
(نيرمين):الحمدلله ماشي الحال
(نيرمين):تعالي وألحين وافقتي عليه؟
نسيت ماقلت الكم بأن في واحد متقدم لياسمين من كم يوم وهي معنده تقول ماابيه (لأنها شايله فكرة الزواج من بالها)
(ياسمين):تبي تغير الموضوع متى جايين الشرقيه؟
(نيرمين):ردي وش رايش؟
(ياسمين):لا خيتو ما بوافق؟
(نيرمين):معصبه,ليش؟ أنتي حتى ماعرفتيه؟
(ياسمين):الزواج قسمه ونصيب خيتو ,وأني ماأفكر بالزواج ألحين ,كل شي بوقته حلو
(نيرمين):حرام عليش وأمي اللي تبي تفرح فيش
(ياسمين):ساكته ماترد
(نيرمين):خلاص ماراح اتدخل ولا تزعلي
(ياسمين):ماعليه خيتو مازعلت بس ماأحب احد يلح علي بهالموضوع
(نيرمين):طيب مع السلامه وسلمي لي على أمي وأبوي وسميره
(ياسمين):الله يسلمك حبيبتي ولاتزعلي مني هاه ,مع السلامه
(نيرمين):لاعادي انتين اختي حبيبتي مستحيل ازعل منش,
يالله باي
الساعة:1الظهر
ياسمين بالصاله جالسه بالابتوب تسولف مع صاحبتها وبنت خالتها بالماسنجر بنت خالتها (حنين)
وصاحبتها(ساره)
حنين:شحالك بنت خالتو
ياسمين:الحمدلله منيحه
حنين:تعالي ياسمين ليش مانتجمع اليوم ونروح للسوق مع بعض؟
ياسمين:ممممممممم ابشوف ابقول لأبوي أول, وبعدين ادق عليش ok
حنين:ok
ياسمين فتحت نافذت المحادثه مع صاحبتها ساره
ياسمين:كيفك سارونه؟
هذا اسم الدلع لساره
ساره:تيك تاك, وانتي؟
ياسمين:نحمده على كل حال
ساره:شو سويتي على الشاب اللي متقدم لك ,أكيدوافقتي ههههه
ياسمين:لأ
ساره:ليش؟ تراه هو ولد زين وماعليه كلام
وأخواني يعرفوه زين
أخلاق وادب وكل الصفات الزينه تراها فيه
وانتي الخسرانه اذا ماوافقتي
ياسمين:ترا الزواج قسمه ونصيب اذا ماتدري وبصراحه مابي اتزوج الحين
ساره:والله انك غبيه غيرك مو لاقيين أحد يسأل فيهم وانتي كل ما تقدم لك أحد تدلعين وترفضيه
آه ياحسره علي
ياسمين:اذا انتي ميته على الزواج لها الحد خذيه
ساره:يارررررريت هههههههههههه
ياسمين:يالله عاد اخلصي من هالسالفه ابي أسألك تروحي ويانا للسوق لأني ابروح مع( حنين)
ساره:إيه أكيد
من اللي بيوصلنا
ياسمين:اول ابسأل ابوي وبعدين ابدق عليش.... ok
ساره:ok
صوت ينادي (ياسمين ..ياسمين)
(ياسمين):هه هذا ابوي..
ياسمين:ماعليه سارونه ابوي يناديني هاه, أكلمك بعدين ok
ساره:okباي
ياسمين:باي
سكرت الماسنجر وقامت بسرعه
ياسمين تردبصوت عالي:سم يبا
//أبوها <<أبو علي >>رجال متحكم شوي لكنه عطوف وحنون على عياله//
الوالد:تعالي يابنتي ابيش بكلمه
ياسمين:ان شاالله يبه
الوالد:سمعت يابنيتي من امك انك رافضه الشاب اللي متقدم لك ليش يابنتي؟
ياسمين:وهي خجلانه مو كذا يبه بس أني ذا الحين ماأفكر بالزواح
الوالد:طيب ليش يابنتي؟
وانتي ماعندك دراسه ولاشي مشان تقولي أنك يتكملي دراستك بالأول وبعدين بتفكري بالزواج,يابنتي موكل يوم بيجي لك واحد مثل هالولد من أخلاق ودين وعايلة معروفه في البلد فكري شوي قبل ماتردي يابنتي...
وبصراحه انا ابي اتطمن عليك واظمن مستقبلك يابنتي
مشان لوبيصير لي شي أكون متطمن عليكي وعلى خواتك
ياسمين:لاتقول كذا يبه الله يخليك لنا بس والله اني مالي خاطر بالزواج أوعدك يبه بعد هالمره لوبيتقدم أي احد راح اوافق وماراح اتشرط بعد
اوعدك يبه
الوالد:طيب يابنيتي مابي اضغط عليك خليك براحتك بس ابقي على وعدك لي زين يابنيتي.
ياسمين:بوجه خجول متبسم ان شالله يبه اوعدك
الوالد:خلاص انا ألحين ابروح المزرعه قولي لأمك اني ابتغدى بره يالله يابنيتي فمان الله
ياسمين:ان شالله يبه
يبا
الوالد:شو؟
ياسمين:مستحيه كالعاده يبا ابي أروح للسوق مع صديقتي ساره وبنت خالتي حنين
الوالد:روحي يابنتي بس هاه لاتتأخرين ويطلع المحفظه "خذي يابنتي خذي لك كل اللي بخاطرك
ياسمين:ببتسامه ناعمه مشكور يبه,الله لايحرمني منك
بس يبه ابيك تكلم اخوي مشان يوصلنا لأني اذا قلت له مابيرضي بيقولي:مانا فاضي
الوالد:طيب حبيبتي انتي تبين تروحين الساعه كم
ياسمين:ممممم الساعه 3ونصف
الوالد:خلاص أنا راح أكلمه ومايصير خاطرش إلا طيب
ياسمين:تسلم لي يبه
الوالد:خلاص أنا ابطلع ألحين تامريني بشي
ياسمين:سلامتك يبه
الوالد:يالله مع السلامه
ياسمين:بالسلامه
//طبعآتعرفون حنا البنات موتنا السوق //
*ياسمين مي شايلتها الأرض من الفرحه ,كانت الساعه 2 الظهر
وعلى طول وينك يالجوال مشان تخبر حنين وساره بأن ابوها وافق على طلعت السوق
دخلت الغرفه شوي شوي مشان ماتصحي أختها سميره
الجوال كان على السرير
اخذته ودقت أول على
بنت خالتها حنين
هلا حنونه وينش شو بتسوي الحين
حنين:ابد بس ألحين بيحطون الغدا
تفضلي؟
ياسمين:زاد فضلك حبيبتي
بس كنت ابي أخبرك ابوي وافق على روحتنا للسوق وبيوصلنا أخوي ناصر الساعه 3ونصف
حنين:صج
//حنين بتحب ناصر ولد خالتها بس أهو ولا من شاف ولا من دري شايف حاله ومايعطي أحد وجه
صحيح ماعرفتكم عليه
أهو صحيح شايف حاله لكنه طيوب عمره28سنه وسيم أسمراني خريج كلية التقنيه بالدمام وهو ألحين عاطل عن العمل//
حنين:من بيجي معانا
ياسمين:صديقتي ساره
حنين:وناسه
قلتي لها؟
ياسمين:لا لسه
حنين:خلاص خليها علي أنا راح اقول لها
ياسمين:ok
حنين:الحين ابكلمها
ياسمين:خلاص أجل اشوفك بعدين يالله باي
حنين:بايات
الساعه 2 ونصف نزلت ياسمين للمطبخ
هلا يما
الوالده:هلا حبيبتي
وباين على ملامحها الضيق
ياسمين:وش فيش يمه؟
الوالده:وهي تحط الرز في الصحون مافيني شي يابنيتي
ياسمين تضايقت وحست ان السالفه تعنيها
وسكتت
شوي وتقول ياسمين :يمه يقولش ابوي انه ماراح يتغدى في البيت
الوالده:ليش أهو قالش؟
ياسمين:ايه يمه
وقال أنه بيتغدى بره
الوالده:طيب يابنيتي روحي صحي أخوك ناصر وأختك سميره
ياسمين:ان شالله يمه
ركبت ياسمين فوق للغرفه خيتو خيتو أصحي وصلت الساعه 3إلاربع وانتي بعدك نايمه للحين
يالله تقولك أمي قومي تغدي
سميره:تتأفف خلاص خلاص روحي عني بعدين ابقوم
ياسمين:بكيفك
تراني ابروح السوق مع حنونه وساره
سميره:هاه
فتحت عيونها كن حد مخرعها هههههه
ابروح وياكم خيتو يالله يالله
ياسمين:أكيد عادي بس انتي قومي الحين وجهزي حالش بسرعه لأن ناصر هو اللي يبي يوصلنا وأنا ألحين ابروح اصحيه من النوم
سميره:هاه
أوف ياثقل دم هالطلعه
ياسمين:لاتقولي كذا أهو عليه يوصلنا وبس
يالله يالله قومي بسرعه
سميره:ok
طق طق طق
طق طق طق
ياسمين تدق الباب شوي شوي
ويصرخ عليها ناصر:أووووووووف من؟
سكتت ياسمين شوي
ويرد يصرخ عليهاناصر:من؟
ياسمين تحاكي نفسها هذي أولها الله يستر من تاليها
هذي أنا ياسمين
يفتح الباب وباين علي وجهه الزهق
وش تبي؟
السوق وبوديكم الساعه 3ونصف وش تبي جايه الحين؟
ياسمين:لا تصرخ بوجهي زين انا جايه اقولك
أمي تقولك أنزل تغدى تحت
ناصر:بدون نفس
زين
ياسمين تفكر في نفسها
بعد هذا أبوي اللي قاله بسالفة السوق كيف لو أنا اللي كلمته
تنزل الدرج وجات وراها سميره تركض ,ياسمين وش هالصراخ وش صاير
وش فيه ناصر؟
ياسمين:وشو بعد ,ليش انتي ماتعرفي أخوش وأخلاقه الزفت
أبوي قاله يودينا للسوق وهو من قاله وهو زهقان
سميره:الله يعينا
ياسمين:اي والله الله يعدي هالطلعه على خير
سميره :هاه يمه شلونك وش طابختيلنا اليوم على الغدا
الوالده:كل خير يابنتيتي
جلسو على السفره
سميره:يسلم ايدينك يمه على هالغذا اللذيذ
الوالده:الله يسلمك حبيبتي
ياسمين:يمه طبخك يجنن تسلم ايدك
الوالده:الله يسلمك وان شالله اشوفك عروس
ياسمين:ان شالله بس كل شي بوقته حلو يمه
عم السكون للحظات
يما يما انتي وين؟
الوالده:آنا هنيه يمه تعال ياناصر تغدا
ناصر:هلا يمه
ريحت الغدا وصلتني للغرفه
شكله يشهي
الوالده:سم يولدي تغدى زين انت صاير ماتاكل
صرت مثل العود
ناصر:يبتسم ويناظر امه يسلم ايدينك يمه على هالغدا
وياسمين وسميره يتغامزون
ياسمين:بسش يالله قومي نجهز حالنا مشان السوق
سميره:زين وش فيش كاهو ناصر لسه يتغدى استنيي شوي
ياسمين: الحمدلله شبعت
الوالده:ماكليتي شي يابنتي
ياسمين:والله شبعت يمه كليت واجد الحمدلله
الوالده:بالعافيه
ياسمين:يعافيك يمه
قامت ياسمين
سميره تنادي عليها ياسمين نطريني كاني جايا
ناصر:سميره ياسمين جهزو حالكم ألحين 3وربع أبطلع ابنطركم بره ,زين؟
ياسمين وسميره بصوت واحد:زين
ناصر:تامريني بشي يمه من بره
الوالده: ايه يمه ابي شوية اغراض من السوبر ماركت
ودير بالك على خواتك لاتتأخر عليهم بالسوق ياوليدي
ناصر:ان شالله ومايصير خاطرك إلاطيب كم أم ناصر عندنا
الوالده: الله يخليك لي ياوليدي ويارب أشوفك معرس
ناصر:ان شالله يمه بس اشتغل بالأول
يالله يمه تامريني بشي ثاني
الوالده: سلامتك
ناصر:فمان الله
والبنات في الغرفه وحده تلبس عبايتها والثانيه تدور على محفظتها
رن جوال ياسمين
بهذيك النغمه الرايقه
المتصل حنونة
ياسمين:هلا
حنين:هلا ياسمين وينكم الساعه وصلت 3 ونصف وماجيتو
ياسمين:ألحين حبيبتي بنجي أقول بتجي معاي خيتي سميره
حنين:زين والله وناسه
ياسمين:تعالي حنونه دقيتي على ساره؟
حنين:اي دقيت
ياسمين:زين يالله أجل نشوفش بعد شوي
جهزو البنات على سنقة عشره وطلعو بره
الا شافو أخوهم كاشخ هذيك الكشخه كأنه معرس ناقصه البشت
الشماغ والعقال والثوب المطرزه وهيك النظاره السودا
طالع شخصيه
ركبو بالسياره ياسمين قدام وسميره بالكرسي اللي ورا ناصر
ياسمين:وهي متردده شوي أخوي ماعليك امر ابيك تمر بيت خالتي زهره
وبيت صديقتي ساره بعد
ناصر:شال النظاره انتي كل ماتبي تروحين لمكان لازم هالتوم معاك
ماأقول غير الله يعيني على هاليوم
سميره مبسوطه على الآخر
وصلو لبيت الخاله زهره بيت حنين
حنين جالسه مع أمها تسولف
بيب بيب
هه "فز قلبها" هذا صوت سيارة ناصر
يالله يمه تامريني بشي
الوالده:سلامتك يابنيتي
سلمي لي على بنات خالتك وولدخالتك ناصر بعد
حنين:ان شالله يما
مع السلامه
ناصريقول لياسمين:وش فيها هذي بنت خالتك مادري شايفتني سواق عندها
دقي عليها خليها تطلع بسرعه لا أمشي الحين
ياسمين:خلاص هدي بالك ياناصر
هذي هي طالعه من الباب
حنين ركبت السياره السلام عليكم
كيفك سميره؟
سميره: الحمدلله كيفك انتي؟
حنين: الحمدلله زينه
حنين:كيف حالك ناصر؟
ناصر:مارد عليها ولا التفت حتى
طبعا حنين تضايقت ومن ذيك اللحظه وهي ساكته
وصلو عند بيت ساره إلا هي واقفه بره عند الباب تنطرهم
ناصر:ايه هذي اللي تبي واعده أحد تبي تطلع معاه أهي اللي تنطر بره ماتخليهم ينطرونها
حنين خلاص وصلت للآخر نزلت الدمع من عينها
التفتت لهاياسمين من دون ماتتكلم
وسميره تهديها يشويش مشان ماينتبه ناصر
دخلت ساره السياره
طبعآ هذي ابنت دايم مفرفشه ومبسوطه
"السلام عليكم"
شلونكم شخباركم
ناصر: وعليكم السلام
حنين:تقول في خاطرها أفا ياولد الخاله ماهقيتك كذا
انا بنت خالتك اللي تحبك وتموت على التراب اللي تمشي عليه مارديت على ترد على صديقتي
ومسكينه ظلت كاتمتها بقلبها ليما وصلو للسوق
